Center for Disease Control and Prevention ng Korea nagtalaga hotline number para sa mga dayuhan na may sintomas ng COVID-19

Nagtalaga ng designated hotline number ang Korea Center for Disease Control and Prevention (KCDC) para sa mga dayuhan sa South Korea na makararanas ng sintomas ng COVID-19.

Sa abiso ng Philippine Embassy in Korea, kung mayroong sintomas ng COVID-19 kailangang agad tumawag sa KCDC foreign language hotline number na 1345.

Ang service hours ng naturang hotline number ay:

– 9 a.m. to 6 p.m. kung English
– 9 a.m. to 10 p.m. kung Filipino

Anuman ang visa status, pinapayuhan ng embahada ang mga Pinoy na agad makipag-ugnayan sa Philippine Embassy kapag may sintomas.

Para sa mga nangangailangan ng agarang tulong, maaring tumawag sa Assistance to Nationals (ATN) hotline number na 010-9263-8119.

Pwede ring magpadala ng email sa email address na help@philembassy-seoul.com.

Ilagay lamang ang buong pangalan, address, contact number at ang tulong na kailangan.