Kanselado na ang mga biyahe ng Cebu Pacific sa South Korea mula sa Martes, Marso 3 hanggang sa Abril 30, 2020.
Kasunod ito ng ipinalabas na ‘travel restrictions’ na ipinag-utos ng gobyerno.
Ang mga kanseladong biyahe ay ang sumusunod:
– 5J 188/ 5J 187 Manila-Incheon-Manila
– 5J 128 / 5J 129 Cebu-Incheon-Cebu
– 5J 180 / 5J 181 Kalibo-Incheon-Kalibo
Sa abiso ng Cebu Pacific, ang mga apektadong pasahero ay maaring magpa-rebook ng biyahe mula February 29 hanggang sa Lunes, March 2.
Para sa mga magpapalipat ng araw ng biyahe ay maaring lumipad hanggang Hunyo 30, 2020.
Maari din nilang ipa-refund ang pasahe o ilagay ito sa travel fund.
Una nang ipinag-utos ng gobyerno ang pansamantalang hindi pagbiyahe ng mga Filipino sa South Korea mula dito sa bansa maliban sa mga overseas Filipino worker (OFW), mga Filipino student na nag-aaral sa South Korea, at ang mga permanent resident.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.