Antas ng tubig sa Angat Dam, nabawasan sa magdamag
Bahagyang nabawasan ang antas ng tubig sa Angat Dam sa nakalipas na 24 oras.
Ayon sa PAGASA Hydrology Division bandang 6:00 ng umaga, nasa 202.29 meters ang lebel ng tubig sa nasabing dam.
Mas mababa ito kumpara sa 202.38 meters na naitala noong Biyernes, February 28.
Nadagdagan naman ang antas ng tubig sa Ipo Dam na ngayon ay nasa 100.06 meters at ang La Mesa Dam na nasa 77.40 meters.
Tumaas din ang tubig sa Ambuklao, San Roque, at Caliraya Dams.
Nabawasan naman ang tubig sa Binga, Pantabangan, at Magat Dams.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.