2 Pinoy na positibo sa COVID-19 sa Hong Kong nananatili sa ospital

Nananatili sa ospital ang dalawang Filipino na nagpositibo sa COVID-19 sa Hong Kong.

Pero ayon sa Philippine Consular Office sa Hong Kong, kapwa wala nang sintomas ang dalawa.

Ang isa dalawang pasyente ay inaasahang makalalabas na ng ospital bukas.

Ito ay kung magnenegatibo muli ang final test na ginawa sa kaniya.

Samantala, ang isa pang Pinay na isinailalim sa quarantine ay nakalabas na ng pagamutan.

Malusog at wala ring sintomas ang naturang Pinay at nakabalik na sa kaniyang trabaho.

Sa ngayon maliban sa dalawang pasyente na positibo sa COVID-19 ay wala nang iba pang Filipino na naka-quarantine sa Hong Kong.

Patuloy ang gagawing pag-monitor ng konsulada sa kondisyon ng dalawa.