Dating PNP chief Allan Purisima inabswelto ng Sandiganbayan sa kasong perjury
Pinawalang-sala ng Sandiganbayan sa kasong perjury si dating PNP Chief Allan Purisima.
Sa desisyon ng 2nd Division ng Sandiganbayan sinabi nito na not guilty si Purisima sa walong bilang ng perjury na inihain dito.
Sinabi ng korte na nabigo ang prosekusyon na maghain ng sapat na ebidensya para patunayang guilty beyond reasonable doubt si Purisima sa kasonh ibinibintang sa kanya.
Dahil dito, ipinag utos ng anti graft court na ibalik ang inilagak na pyansa ng dating pnp chief gayundin ipinatatanggal na ang hold departure order laban dito maliban kung may iba pang kaso na nakasampa sa kanya.
Ang kasong perjury ay nag ugat sa sinasabing hindi paghahain ni Purisima ng tamang SALN noong 2006 hanggang 2009 at 2011 hanggang 2014.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.