Unang kaso ng COVID-19 naitala sa Nigeria

Nakapagtala na rin ng unang kaso ng COVID-19 sa Nigeria.

Kinumpirma ng health ministry office ng Nigeria na mayroon nang positibong kaso ng COVID-19 sa Lagos State.

Bago ito sinabi ng Nigeria Centre for Disease Control (NCDC) na mayroon silang 11 suspected cases COVID-19.

Lahat ito ay sinuri at isa ang nagpositibo.

Pinakakalma naman ang mga mamamayan ng Nigeria kasunod ng pagkakaroon na ng unang kaso ng sakit.