Iyan ay kahit pa alisin ng gobyerno ng Pilipinas ang travel ban patungong Mainland, China at sa tatlo pang mga lugar na apektado ng Coronavirus.
Kamakailan ay ipinagbawal ng gobyerno ang pagbiyahe patungo at palabas ng Mainland, China, Hong Kong, Macau, at Taiwan sa layunin na matigil ang pagkalat ng virus.
Sa pinakahuling press conference ay Ipinaliwanag ni Health Undersecretary Eric Domingo, na tanging mga Filipinos at holders ng permanent Philippine resident visas mula sa mga nabanggit na mga lugar ang maaring makapasok sa Pilipinas, pero kinakailangan na sumailalim sa mandatory quarantine.
Sa kasalukuyan, ayon sa Labor officials ay mahigit 300 Filipinos na nagtatrabaho sa China, Hong Kong and Macau ang apektado ng travel ban ng Pilipinas.
Sa gitna ng krisis na ito na kinakaharap ng buong mundo ay nanawagan naman ang World Health Organization ng pagkakaisa para sugpuin ang COVID-19.
Gayunman, mas naging makabuluhan sana ang hakbang na ito ng WHO kung binigyan-pansin ang babala noong February 7 ni Dr. Li Wenliang, ang kauna-unahang nagsiwalat ng Coronavirus outbreak noong December 2019 sa Wuhan.
Ilang araw bago siya pumanaw, sinabi ni Li na naiwasan sana ang paglaganap kung nakinig lamang at agad na umaksiyon ang Chinese Officials sa halip na pigilan siya at itago ang impormasyon sa publiko.
“If the officials had disclosed information about the epidemic earlier. I think it would have been a lot better. There should be more openness and transparency.” Ayon sa babala noon ni Wenliang.
Samantala, ayon naman sa World Health Organization (WHO), medyo maaantala pa ang paghahanap ng gamot sa COVID-19 habang isinasagawa ang malalimang imbestigasyon para matukoy ang pinagmulan ng virus at para maiwasan ang pagsalin ng sakit mula sa hayop patungo sa tao.