Mike Pence itinalaga ni Trump para pamunuan ang laban ng US sa COVID-19

Itinalaga ni US President Donald Trump si Vice President Mike Pence para pamunuan ang pagtugon sa COVID-19 cases sa Amerika.

Sa kaniyang talumpati, inanunsyo ni Trump na pangungunahan ni Pence ang pagtugon ng Estados Unidos sa COVID-19.

Ayon kay Trump si Pence ang direktang makikipag-ugnayan sa mga health professional at iba pang may kaugnayan sa pagtugon sa sakit.

Lahat naman ng update ay iuulat ni Pence kay Trump.

Sinabi ni Trump na dahil sa ginagawang hakbang ng pamahalaan para maiwasan ang paglagap pa ng sakit ay nananatiling mababa ang banta nito sa mga mamamyan ng Amerika.

Numero uno aniyang prayoridad ng pamahalaan ang kalusugan at kaligtasan ng kanilang mamamayan.