1 patay, 1 sugatan sa pamamaril sa Quezon City

By Mary Rose Cabrales February 27, 2020 - 05:46 AM

Nasawi ang isang lalaki matapos pagbabarilin sa loob ng tindahan ng spare parts ng motorsiklo sa Barangay Pasong Tamo, Quezon City, Miyerkules ng gabi (February 27).

Nakilala ang nasawi na si Raymart Bucad, 21 taong gulang.

Ayon sa mga mga kasamahan ng biktima sa tindahan, huminto sa tapat ng tindahan ang dalawang magkaangkas sa motorsiklo na naka-helmet. Bumaba ang isa sa sakay ng motor, nilapitan si Bucad at pinagbabaril na nito ang biktima.

Nagtamo ng tama ng bala sa ulo ang biktima na ikinamatay nito habang isang lalaking nakatambay naman sa tindahan ang nadaplisan ng bala.

Patuloy naman ang imbestigasyon ng mga otoridad sa motibo ng pamamaslang.

TAGS: ambush, Inquirer News, metro, PH news, Philippine breaking news, Philippine Media, police report, quezon city, Radyo Inquirer, Tagalog breaking news, tagalog news website, ambush, Inquirer News, metro, PH news, Philippine breaking news, Philippine Media, police report, quezon city, Radyo Inquirer, Tagalog breaking news, tagalog news website

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.