56 na biktima ng human trafficking nailigtas sa Zamboanga City

Nailigtas ng mga otoridad ang mahigit 50 mga babae na hinihinalang biktima ng human trafficking sa Zamboanga City.

Napansin ng mga otoridad sa Zamboanga City airport ang kahina-hinalang kilos ng mga babae.

Sa inisyal na imbestigasyon pawang mula sa iba’t ibang bahagi ng Luzon at Visayas ang 56 na babae.

sa panayam sa mga biktima, inamin nilang sila ay ni-recruit para magtrabaho sa Malaysia.

Mula Zamboanga City airport ay dadalhin sila sa Malaysia sakay ng barko.

Pawang walang karampatang dokumento ang mga babae.

Pinaghahanap pa sa ngayon ang recruiter nila.