Bilang ng tinamaan ng COVID-19 sa South Korea, mahigit 1,100 na
Nakapagtala ng 169 pa na panibagong kaso ng coronavirus disease sa South Korea.
Dahil dito umakyat na sa 1,146 ang bilang ng mga positibong kaso ng COVID-19 sa nasabing bansa.
Umakyat na sa 11 ang naitalang nasawi sa South Korea.
Ito ay kasunod ng pagkasawi ng isang babaeng pasyente ng COVID-19 na tinamaan din ng acute respiratory failure.
Noong February 23 lamang na-admit sa ospital ang nasabing pasyente.
Kabilang sa mga lugar sa South Korea na apektado na ng COVID-19 ay ang Daegu, Gyeonggi, Busan at Seoul.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.