4,000 factory workers sa Daegu City sa South Korea ligtas sa COVID-19
Ligtas ang nasa 4,000 factory workers na Pinoy na nagtatrabaho sa Daegu City sa South Korea.
Ang Daegu City ang sentro ng kaso ng coronavirus disease 2019 (COVID-19) sa South Korea.
Ayon kay Consul General Christian de Jesus, tinitiyak mismo ng mga employer na maging ligtas sa sakit ang kanilang mga empleyado.
Ang 4,000 Pinoy ay nananatili sa kanilang dormitory sa loob ng pabrika.
Inabisuhan na rin silang iwasan ang paglabas-labas kung hindi naman importante ang lakad.
Namahagi na rin ng face masks ang mga employer para sa kanilang mga empleyado.
Sinabi naman ni De Jesus na walang Pinoy na naapektuhan ng COVID-19 sa South Korea.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.