Water level ng Angat dam nabawasan pa sa magdamag

Nabawasan pa ang antas ng tubig sa Angat dam sa nakalipas na magdamag.

Sa abiso ng PAGASA Hydrology, alas 6:00 ng umaga ngayong Lunes (Feb. 24) nasa 202.08 meters ang water level ng Angat.

Mas bumaba pa kumpara sa 202.17 meters na water level nito kahapon ng umaga.

Nabawasan din ang antas ng tubig sa La Mesa dam na nasa 77.54 meters.

Habang walang pagbabago sa water level ng Ipo dam na nasa 100.06 meters.

Ang iba pang mga dam sa Luzon gaya ng Binga, San Roque, Pantabangan, at Magat dams ay pawang nabawasan ang antas ng tubig.

Nadagdagan naman ag water level ng Ambuklao at Caliraya dams.