SMC binubuo na ang bagong disenyo para sa MRT-7 station sa QC Memorial Circle

Binubuo na ang bagong disenyo para sa istasyon ng MRT-7 na itatayo sa Quezon City Memorial Circle.

Ito ay matapos na umalma ang Quezon City local government sa nabagong disenyo ng MRT station na higit na mas malawak at mas mataas kumpara sa orihinal na napagkasunduan at naaprubahang disenyo.

Ayon sa Department of Transportation (DOTr), nag-commit ang San Miguel Corporation (SMC) na sa loob ng 10 araw ay mailalabas nito ang bagong disenyo.

Nagpaliwanag naman si DOTr Undersecretary for Railways Timothy John Batan sa naging pagbabago sa disenyo ng MRT-7 Station.

Aniya taong 2008 pa ang orihinal na plano kaya nagkaroon ng pagbabago sa disensyo dahil maituturing na aniyang outdated ang disenyo ng istasyon.