25 volcanic earthquake naitala sa Bulkang Taal; isa dito naramdaman sa Agoncillo, Batangas
Nakapagtala ng 25 volcanic earthquakes sa Taal Volcano sa nakalipas na magdamag.
Isa sa mga naitalang pagyanig ay naramdaman sa bahagi ng Agoncillo, Batangas matapos na makapagtala ng Intensity II alas 7:36 ng gabi ng Miyerkules.
Nakapagtala din ng mahinang pagbubuga ng steam-laden plumes na umabot sa 50 hanggang 100 meters ang taas.
Masyado namang kaunti ang ibinugang Sulfur dioxide (SO2) ng bulkan kaya hindi na ito na-detect ng instrumento ng Phivolcs.
Ayon sa Phivolcs, nananatiling nakataas ang alert level 2 sa Taal at sa ilalim nito ay bawal ang pagpasok sa permanent danger zone partikular sa Taal Volcano Island.
Pinayuhan naman ang mga lokal na pamahalaan na pag-aralang mabuti ang sitwasyon sa kanilang nasasakupan at tukuyin kung ligtas pabalikin sa kani-kanilang mga lugar ang mga residente lalo na sa mga lugar na nagkaroon ng bitak sa sa lupa dahil sa mga naranasang pagyanig.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.