“Pastillas Modus” dagdag dahilan para suspindihin ang POGOs – Sen. Villanueva
Pagdidiin ni Villanueva, nahihirapan naman ang gobyerno na magpatupad ng regulasyon sa POGOs at aniya hindi rin nagbabayad ng tamang buwis ang mga ito bukod sa paglabag sa ating mga batas, kayat makakabuti kung sususpindihin muna ang bagong sistema ng pagsusugal.
Aniya sa nabunyag na ‘pastillas modus’ ng mga immigration personnel at travel agencies, pagpapatunay lang na nagbalik muli ang katiwalian sa NAIA.
Pagpapaalala ni Villanueva dahil sa pagdagsa ng mga Chinese nationals sa bansa ay nabunyag ang pangongotong ng P50 milyon ng dalawang mataas na opisyal ng Bureau of Immigration.
Mismong ang senador din ang naglantad ng P5,000 singil sa opisina ng Bureau of Immigration sa Taguig City para mapabilis ang pagpapalabas ng special working permit ng mga Chinese na nais mag-trabaho sa bansa.
Pagdidiin ni Villanueva na wala pang isang porsiyento sa gross domestic product ng Pilipinas ang magiging epekto kapag sinuspindi ang POGOs.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.