Tangkang pagpapatalsik kay Pangulong Duterte sa anibersaryo ng EDSA People Power, “wishful thinking” lang – Malakanyang
Minaliiit lamang ng Malakanyang ang tangkang pagpapatalsik sa puwesto kay Pangulong Rodrigo Duterte kasabay ng paggunita sa anibersaryo ng EDSA People Power Revolution sa February 25.
Ayon kay Presidential Spokesman Salvador Panelo, “wishful thinking” lamang ang mga ikinakasang kilos protesta.
May mga nanawagan kasi sa Social
Media na sama-samang magsagawa ng kilos protesta sa February 25 para ipakita ang pagtutol sa pagbasura ni Pangulong Duterte sa Visiting Forces Agreement (VFA).
Paliwanag ni Panelo, hindi magbubunga ang naturang plano dahil mayorya sa mga Filipino ang sumusuporta kay Pangulong Duterte.
100 percent din aniya na naka-suporta ang militar kay Pangulong Duterte.
Sinabi pa ni Panelo na walang nakikitang pangangailangan ang palasyo na pulungin ang mga matataas na opisyal ng Armed Forces of the Philippines (AFP).
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.