Pitong driver ng jeep nagpositibo sa paggamit ng ilegal na droga sa Makati

Pitong driver ng pampasaherong jeep ang nagpositibo sa paggamit ng ilegal na droga sa isinagawang random drug testing sa Makati City.

Ginawa ang operasyon matapos ang insidente na nangyari kamakailan kung saan isang pampasaherong jeep ang umararo sa mga estudyante na tumatawid sa pedestrian lane sa JP Rizal.

Ginawa ang drug testing sa mga driver ng pampasaherong jeep na bumibiyahe sa kahabaan ng JP Rizal at pito sa kanila ang nagpositibo.

Dinala sa Makati City police station ang mga driver na nagpositibo.

Maliban sa drug testing, nagsagawa din ng operasyon ang LTO sa mga pampasaherong jeep na makikitaan ng paglabag.

Umabot sa 150 ang naisyuhan ng traffic violation tickets.