Daytona 500 nauwi sa aksidente, American race car driver na si Ryan Newman isinugod sa ospital
Nagtapos sa malagim na aksidente ang Daytona 500 ng National Association for Stock Car Auto Racing (NASCAR) na ginanap sa Amerika.
Dinala sa ospital ang American race car driver na si Ryan Newman matapos bumaligtad ang kaniyang sasakyan.
Papalapit na sa finish line si Newman at inaasam sana ang ikalawa niyang sunod na tagumpay nang mabangga siya sa likuran ng kotse na minamaneho ni Ryan Blaney.
Bumaligtad at tumilapon ang sasakyan ni Newman at pagbagsak ay nabangga pa muli ng parating pang race car.
Kita pa sa video ang pagliliyab ng race car ni Newman.
Wala pang inilalabas na update ang NASCAR kung ano ang lagay ni Newman.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.