De-motor na bangka tumaob sa Negros Occidental, 6 nailigtas

Nailigtas ang 6 na magkakamag-anak matapos masira at tumaob ang kanilang sinasakyan na bangka sa EB Magalona, Negros Occidental, umaga ng Lunes ( February 17).

Ayon sa Philippine Coast Guard (PCG), bibili sana ng talaba ang 6 na magkakamag-anak sa sa Barangay Manta-angan kaya’t sumakay sila sa bangka sa Barangay Batia.

Dahil sa lakas ng hangin at matataas na alon ay nasira ang bangka at tumaob ito.

Agad namang nailigtas ang mga pasahero ng bangka at hindi naman sila nagtamo ng anumang pinsala sa katawan.