Buoy markers sa 7-km radius danger zone sa Bulkang Taal inalis ng coast guard

Sinimulan na ng Philippine Coast Guard ang pagtatanggal ng buoy markers sa 7-kilometer-radius danger zone sa Bulkang Taal.

Ito ay matapos na ibaba ng PHIVOLCS ang seismic activity status ng Taal Volcano sa Alert Level 2 na lamang mula Alert Level 3.

Ang mga markers ay unang inilagay ng coast guard para masiguro na hindi mapapasok ng mga residente ang loob ng nasasakupan ng 7-kilometer-radius danger zone.

Sa ngayon ay ipinauubaya na ng PHIVOLCS sa mga lokal na pamahalaan ang pag-assess sa kani-kanilang lugar lalo para sa pagpayag o pagbabawal sa mga residente na makabalik sa kanilang tahanan.

Habang nananatili namang permanent danger zone ang Taal Volcano Island.