Isa pang PUI pumanaw dahil sa cardiovascular attack

Kinumpirma ng Department of Health (DOH) na mayroon pang isa na itinuturing na patient under investigation (PUI) ang pumanaw.

Ang 71 anyos na PUI mula sa Region 1 ay pumanaw Huwebes (Feb. 13) ng gabi dahil sa cardiovascular attack.

Agad namang tiniyak ni DOH Assistant Secretary Dr. Maria Rosario Vergeire na nag-negatibo sa COVID-19 ang pasyente.

Isinailalim lamang sa monitoring ang pasyente dahil sa kaniyang sintomas.

Pero nang lumabas ang resulta sa ginawang pagsusuri sa kaniya ay negatibo naman ito sa naturang sakit. (END)