Mga pulis nangharana sa LRT at MRT ngayong Valentine’s Day

Ngayong Araw ng mga Puso, hindi lang pagtitiyak sa seguridad ang inatupag ng mga tauhan ng Philippine National Police (PNP).

Sa MRT-3 at LRT-1 hinarana ng mga pulis ang mga pasahero.

Sa LRT-1 Central Station, kinantahan ng banda na binubuo ng mga tauhan ng Manila Police District (MPD) ang mga pasahero ngayong Valentine’s Day.

Pinangunahan naman ni MPD Chief Bernabe Balba ang pamimigay ng rosas sa mga babaeng pasahero.

Ganito rin ang naging sitwasyons a Boni Station ng MRT-3.

May mga pulis na tuahan ng Mandaluyong City police station ang nangharana sa mga pasahero.

Ang mga miyembro naman ng Rizal PNP Band maagang nangharana sa bahagi ng Manila East Road Taytay, Rizal.