Alert status sa Bulkang Taal ibinaba na sa Alert level 2 ng Phivolcs
Base ito sa inilabas na Taal Volcano Bulletin ng Phivolcs.
Ayon sa Phivolcs simula noong January 26, 2020 ay nakapagtala na lamang ng mas kaunting volcanic earthquake activity sa Taal.
Humina na rin ang naitatalang gas emissions mula sa main crater nito.
Sa ilalim ng Alert Level 2 sinabi ng Phivolcs na bagaman nabawasan ang mga aktibidad sa pag-aalburuto ng Taal ay hindi naman nangangahulugan na nawalan na ang banta nito.
Sa sandaling magkaroon pa rin ng indikasyon sa posibleng pagkakaroon ng pagsabog ay muling itataas ang Alert Level 3 sa Taal.
Patuloy ang rekomendasyon ng Phivolcs na pagbabawal pa ring mapasok ang Taal Volcano Island na itinuturing na Permanent Danger Zone.
Pinapayuhan naman ang local government units na i-assess ang sitwasyon sa mga lugar nila lalo na ang mga nasa loob ng seven-kilometer radius.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.