NPA member, patay sa engkwentro sa Cagayan de Oro
Nasawi ang isang hinihinalang miyembro ng New People’s Army (NPA) sa sumiklab na bakbakan sa Cagayan de Oro City, araw ng Miyerkules.
Ayon kay 4th Infantry Division public information officer Maj. Regie Go, naganap ang engkwentro sa Barangay Besigan.
Iniulat aniya ng mga residente ang presensya ng hindi bababa sa 10 NPA members na naghahanap ng pagkain sa kanila.
Narekober ng militar sa lugar ang katawan ng nasawing NPA member kabilang ang tatlong baril.
Tumagal nang 15 minuto ang palitan ng putok ng baril sa pagitan ng tropa ng pamahalaan at rebeldeng grupo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.