Lalaki nahulihan ng hindi lisensyadong baril sa Mandaue City

Arestado ang isang lalaki matapos mahulihan ng hindi lisensyadong armas sa Mandaue City, Cebu.

Kinilala ang suspek na si Carmelo Victor Alegarme, 39 anyos na nagtatrabaho bilang security guard sa Sikatuna Security Agency.

Ayon sa Basak Police Station, isang residente ang tumawag sa kanila hinggil sa presensya ng ilang armadong lalaki sa isang private reclamation lot.

Nang dumating ang mga pulis, nadatnan si Alegarme bitbit ang 9mm na baril.

Walang naipakitang lisensya o permit to carry ang suspek.

Maliban sa baril, nakuhanan din siya ng limang bala at isa pang extra magazine na mayroon ding limang bala.