Kahit may total lockdown ilang residente bumabalik pa rin sa Taal Lake

Sa kabila ng total lockdown sa Taal Island marami pa ring residente ang bumabalik sa kanilang mga tahanan.

Ayon sa Philippine Coast Guard (PCG) patuloy ang paalala nila sa kanilang mga tauhan na iwasan ang pagbalik sa Taal Island dahil nananatili ang pag-iral ng total lockdown.

Kasabay nito ay muling naglagay ng mga buoy markers ang coast guard sa sakop ng 7-kilometer radius danger zone sa Taal Lake.

Sa isinagawang installation ng markers ay inabutan ng coast guard ang ilang residente sa isla.

Pinayuhan silang tapusin lamang kung ano man ang kanilang pakay sa pagbalik sa isla at agad din lumisan para hindi sila mapahamak.