Balitang pagkansela sa mga visa itinanggi ng U.S. Embassy

Itinanggi ng U.S. Embassy sa Pilipinas ang mga balita na sususpindihin nito ang mga aplikasyon para sa visa dahil sa banta ng paglaganap ng 2019 novel coronavirus.

Sa abiso ng embahada sinabing walang pagbabago sa visa policy na ipinatutupad nito sa Pilipinas.

Nakarating na umano sa U.S. Embassy sa Pilipinas ang mga kumakalat na pekeng abiso hinggil sa pagkansela o pagbawi sa tourist visas at suspensyon sa visa applications.

Isang pekeng Facabook account umano ang nagbahagi ng maling impormasyon.

Pinayuhan ng U.S. ang publiko na bantayan lamang ang opisyal na website at social media accounts ng embahada.