Amihan, nakakaapekto pa rin sa malaking parte ng bansa – PAGASA
Patuloy na umiiral ang Northeast Monsoon o Amihan sa malaking bahagi ng bansa.
Sa weather update bandang 4:00 ng hapon, sinabi ni PAGASA weather specialist Ana Clauren na asahan pa rin ang
malamig na simoy ng hangin sa bansa lalo na tuwing gabi o madaling-araw.
Makararanas pa rin aniya ng maulap na kalangitan na may mahihina hanggang katamtamang pag-ulan sa Cagayan
Valley, Cordillera, Aurora, Quezon at Bicol region.
Sa Oriental Mindoro, magiging makulimlim ang panahon at pulo-pulong mahihinang pag-ulan.
Ani Clauren, asahang magiging maaliwalas ang panahon sa nalalabing parte ng bansa kabilang ang Metro Manila.
Samantala, sinabi ni Clauren na walang natututukang anumang weather disturbance na posibleng pumasok o mabuo sa
loob ng Philippine Area of Responsibility (PAR) sa susunod na tatlo hanggang limang araw.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.