Mga aktibidad para sa “Araw ng Davao” kinansela ni Mayor Sara Duterte dahil sa banta ng 2019-nCoV

Kanselado na ang serye ng events para sa pagdiriwang ng “Ika -83 Araw ng Davao”

Inanunsyo ni Davao City Mayor Sara Duterte ang kanselasyon dahil sa banta ng 2019 novel coronavirus sa bansa.

Kabilang sa kinansela ang sumusunod na mga aktibidad:

– Pasiugdang Pagsaulog
– Reyna Dabawenya
– Ginoong Davao
– Sayaw Pinoy
– Kalingawan sa Sta. Ana
– Hudyaka
– Mutya ng Dabaw
– Pasidungog
– Araw ng Empleyado
– Kanta Bidabawenyo
– Parada Dabawenyo
– Datu Bago Awards

Ayon kay Mayor Sara, lahat ng preparasyon para sa nasabing mga aktibidad ay sa susunod na taon na lamang isasagawa.

Pinayuhan naman ang mga magulang at pamunuan ng mga paaralan, mga establisyimento na tiyakin ang kaligtasan ng mga bata at empleyado laban sa sakit.

Sinabi ng alkalde na patuloy sa pagtaas ang kaso ng 2019-nCoV sa iba’t ibang panig ng mundo at limitado ang pasilidad ng Davao City kung darami ang magkakasakit sa lungsod.