DA maglalabas na ng SRP sa presyo ng manok, isda at gulay
Sa susunod na dalawang linggo maglalabas na ng suggested retail price (SRP) ang Department of Agriculture (DA) sa presyo ng manok, isda at gulay.
Sa panayam ng Radyo Inquirer sinabi ni DA Assistant Secretary at Spokesperson Noel Reyes, natuklasan nilang marami pa ring nagsasamantala sa presyuhan ng manok.
Ito ay marahil sa alam ng mga negosyante na maraming mamimili ang umiiwas muna sa pagbili ng baboy dahil sa African Swine Fever (ASF).
Ayon kay Reyes, simula noong Christmas Season, hindi bumababa ang presyo ng manok.
Maliban sa presyo ng manok, maglalabas din ng SRP ang DA sa presyo ng isda at piling gulay.
Binanggit ni Reyes ang presyo ng galunggong na aniya ay nananatiling mataas sa mga pamilihan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.