Isa sa dalawang Pinay na isinailalim sa quarantine sa HK nakalabas na ng ospital – DFA

Nakalabas na ng ospital ang isa sa dalawang Pinay na isinailalim sa quarantine sa Hong Kong.

Ayon kay Foreign Affairs Undersecretary Brigido Dulay, walang nakitang sintomas ng novel coronavirus sa nasabing Pinay kaya makalipas ang 14 na araw na quarantine period ay na-discharge na ito.

Habang ang isa pang Pinay ay nananatili sa quarantine.

Ang dalawang Filipina na isinailalim sa quarantine ay kapwa domestic workers sa Hong Kong.

Isinailalim sila sa 14 na araw na quarantine dahil ang kanilang 39 anyos na amo ay nasawi dahil sa 2019-nCoV.