Lalaki arestado dahil sa ilegal na droga at baril sa Makati
Timbog ang isang lalaki matapos makumpiskahan ng mga ilegal na droga at baril sa Puerto Rico St., Barangay Palanan sa Makati.
Nakilala ang drug suspek na target ng operayon na si Earl Hubert Sering na bukod sa pagtutulak ng droga ay hinihinalang sangkot din sa gun running activities.
Ayon kay Police Col. Rogelio Simon, hepe ng Makati City Police, sa bisa ng search warrant, nilusob ng mga tauhan ng intelligence section ang bahay ni Sering.
Nakumpiska sa bahay ng suspek ang 1 sachet ng hinihinalang shabu, 2 sachet ng marijuana, at mga kush o high grade marijuana na nakalagay sa container ng kendi, 2 nakapasong halaman ng hinihinalang marijuana at 1 caliber 38 na baril na may mga bala.
Nahaharap ang naarestong suspek sa paglabag sa Illegal Possession of Drugs at Comprehensive Law on Firearms.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.