25 babae na karamihan ay Chinese nailigtas sa isang hotel na pugad ng prostitusyon sa Makati

Sinalakay ng mga tuahan ng Makati City Police at PNP Women and Children Protection Center ang isang hotel sa Barangay Poblacion sa Makati City.

Ito ay makaraang matuklasan na ginagamit bilang prostitution den ang pasilidad.

Tatlong linggong isinailalim sa surveillance ang Hotel 88 sa Guerrero Street bago isinagawa ang operasyon.

Nailigtas ang 25 babae na ibinibugaw sa halagang P15,000 para sa kanialng serbisyo.

Karamihan sa kanila ay Chinese Nationals.

Nabatid na gumagamit ng WeChat App ang pasilidad at doon nakikipagtransaksyon sa mga kliyente.

Hindi naman nadatnan sa lugar ang may-ari ng hotel.