Tatlo arestado sa magkahiwalay na operasyon kontra ilegal na droga sa Caloocan at Malabon
Arestado ang tatlong suspek sa ilegal na droga sa magkahiwalay na operasyon sa Caloocan at Malabon.
Unang isinagawa ang operasyon sa Libis Espina Street sa Barangay 13 sa Caloocan.
Ayon sa Northern Police District drug enforcement unit, inaresto ang isang alyas ‘Annie’ na nasa drugs watchlist ng pulisya.
Nagawa ng pulis na nagpanggap na buyer na makabili ng P1,000 halaga ng shabu kay Annie kaya agad itong dinakip.
Aabot sa 26 na gramo ng shabu ang nakumpiska sa suspek na tinatayang P176,000 ang halaga.
Samantala, sa Barangay Concepcion sa Malabon naman, dalawang lalaki ang nadakip sa operasyon ng Malabon Police.
Nakuha sa dalawang suspek ang mahigit P9,000 na hinihinalang shabu.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.