1 taong gulang na batang Chinese naka-isolate sa ospital sa Palawan
Isinailalim sa isolation sa isang ospital sa Palawan ang isang taong gulang na batang lalaking Chinese.
Ito ay makaraang makitaan ng sintomas ng novel coronavirus ang bata,
Ayon kay Dr. Mario S. Baquilod, director ng Department of Health (DOH) sa MIMAROPA, galing sa Dalian City sa China ang bata at kaniyang pamilya.
Sa simula ay tumanggi aniya ang pamilya na magpasailalim sa pagsusuri para sa nCoV.
Pero umaga ng Miyerkules (Feb. 5) nakumbinsi rin ang magulang ng bata na magsumite ng specimen para maipasuri sa Research Institute for Tropical Medocine (RITM).
Nasa El Nido ang pamilya noong nakaraang weekend para magbakasyon at dinala nila sa ospital ang bata dahil sa lagnat at rashes.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.