Cremation sa isang Chinese National na nasawi dahil sa nCoV maisasagawa na ngayong araw – DOH

Maisasagawa na ang cremation sa isang Chinese national na pumanaw sa Pilipinas noong February 1 dahil sa novel coronavirus.

Ayon kay Health Secretary Francisco Duque III, isang funeral parlor sa Araneta Avenue sa Quezon City ang pumayag na mai-cremate sa kanila ang 44 anyos na Chinese.

Nakausap na rin aniya ng DOH ang pamilya ng dayuhan na kinuhanan ng consent para mai-cremate ang katawan.

Sinabi ni Duque na pumayag ang pamilya na gawin na ang cremation.

Una nang sinabi ni Duque na isang Chinese community ang unang nangako na sila na ang bahala sa cremation ng dayuhang nasawi sa nCoV pero nag-back out ito last minute.