Dalaw sa mga kadete ng PNPA suspendido muna

Suspendido muna ang pagtanggap ng dalaw sa mga kadete ng Philippine National Police Academy (PNPA).

Ito ay dahil sa banta ng 2019-novel coronavirus sa bansa.

Ayon kay PNP Spokesman Police Brig. Gen. Bernanrd Banac, lahat ng tauhan na pumapasok sa PNPA ay required na magsuot ng face masks.

Isasailalim din sa temperature check ang lahat ng pumapasok sa gate ng PNPA.

Samantala, ayon kay Philippine Military Academy (PMA) Spokesperson Capt. Cherryl Tindog, suspendido rin ang pagtanggap ng dalaw sa kanilang mga kadete.

Ginawa aniya ang temporary suspension sa mga bisita para maprotektahan ang kanilang mga kadete at trainees na tamaan ng sakit.