1 patay, 2 arestado sa buy-bust sa Bacoor, Cavite
Nasawi ang isang hinihinalang drug pusher matapos mauwi sa barilan ang isinagawang buy-bust operation sa Bacoor City sa Cavite, madaling araw ng Martes (February 4).
Naaresto rin sa operasyon ang dalawang lalaking sinasabing runner ng napatay na drug suspect.
Ayon kay Lt. Col. Vicente Cabatingan ang hepe ng Bacoor police, nauwi sa barilan nang malaman ng target ng operasyon na si Jonel Derain na mga pulis na nagpapanggap na buyer ang kaniyang katransaksiyon.
Ayon pa sa mga otoridad si Derain ay dating miyembro ng isang notoryus na drug group pero nang mapatay ang lider nito sa isang raid noong Agosto 2018 ay bumuo ito ng ng sariling grupo at nagtutulak ng shabu sa Barangay Sineguelasan.
Ayon naman kay Caridad Sanchez ang chairperson ng Barangay Sineguelasan, ilang beses nang pinagsasabihan ang napatay na suspek na itigil na ang mga ilegal na aktibidad nito pero hindi ito tumigil at sa halip aya ipinagpatuloy ang kaniyang mga ilegal na gawain.
Nakumpiska ang aabot sa 30 gramo ng shabu na tinatayang nagkakahalagang P200,000.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.