DOT pinatutulungan sa Kamara para labanan ang epekto ng nCoV sa turismo
Inatasan ni House Speaker Alan Peter Cayetano ang House Committee on Tourism at House Committee on Economic Affairs
para tulungan ang Department of Tourism (DOT) na maglatag ng contingency plan upang maiwasan ang negatibong epekto ng novel coronavirus sa turismo ng bansa.
Ayon kay Cayetano dapat makipag-ugnayan ang mga nasabing komite sa DOT upang alamin ang mga short at medium-term effects ng nCoV sa tourism at travel industry sa Pilipinas.
Nais tiyakin ng Kamara na hindi maaantala ang paglakas ng turismo sa bansa sa mga susunod na buwan.
Tinukoy ni Cayetano ang ginawa ng Tourism Arts and Culture Ministry ng Malaysia na bumuo ng Tourism Recovery Committee na siyang titiyak sa safety at comfort ng mga turista na sasailalim sa health screening.
Batay sa records ng DOT, sa 7.4 million international tourist arrivals sa bansa mula January hanggang November 2019, 1.63 million dito ay mga Chinese kung saan pangalawa din ito sa tourist spenders sa Pilipinas na aabot sa $979.4 million o P51 billion noong nakaraang taon.
Ang pansamantalang travel ban sa mga lugar na apektado ng nCoV sa China ay siguradong malaki ang magiging epekto sa ekonomiya hindi lamang sa bansa kundi sa buong Asya.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.