Ayon kay Cayetano, sa ganitong paraan ay makakatulong ang LGUs at mga kongresista sa pagpapaklat sa publiko ng tamang impormasyon na madaling maintindihan at para maiwasan ang kalituhan at pagpapanik ng taumbayan.
Iginiit nito na bagamat mayroong social media namakakatulong sa pamamahagi ng impormasyon ay minsan nagkakaroon ng kalituhan dahil hindi ito beripikado at hindi mula sa otoridad.
Bukod dito kapag may koordinasyon din umano ang LGUs at health department ay makaksiguro ang publiko na transparent ang gobyerno sa nasabing isyu.
Sa kasalukuyan dalawa na ang kumpirmadong kaso ng nasabing virus isang 38 anyos na Chinese na babae at 44 anyos na lalaking Chinese na namatay sa San Lazaro Hospital.