Cebu Pacific, kinansela ang lahat ng biyahe sa pagitan ng Pilipinas at China

Kinansela ng Cebu Pacific ang lahat ng kanilang biyahe sa pagitan ng China.

Sa abiso ng airline company, kanselado ang mga biyahe patungo at pabalik ng Beijing, Shanghai, Xiamen, Guangzhou at Shenzen mula February 2 hanggang March 29, 2020.

Layon anila nito na maiwasan ang pagkalat ng 2019-novel corornavirus acute respiratory disease (2019-nCoV ARD).

Samantala, babawasan ang mga biyahe sa pagitan ng Pilipinas, Hong Kong at Macau.

May opsyon naman ang mga apektadong pasahero na mag-rebook, refund o ilagay ang halaga ng kanilang ticket sa Travel Fund.

Humingi ng paumanhin ang airline company at nagpasalamat sa pang-unawa ng kanilang mga pasahero.