Bigtime rollback sa presyo ng LPG, ipatutupad bukas

Magpapatupad ng malakihang bawas presyo sa halaga ng liquified petroleum gas o LPG ang ilang kumpanya kasunod ng serye ng oil price reduction bukas, araw ng Lunes.

Magiging epektibo ang naturang tapyas presyo mamayang 12:01 ng hatinggabi.

Dahil dito, ito ang pinakamalaking rollback sa presyo ng LPG ngayong taon.

Aabot sa 3.30 pesos hanggang 3.40 pesos kada kilo ang magiging bawas presyo sa halaga ng LPG.

Kabilang sa nag-abiso na ng rollback ay ang Eastern Petroleum at Petron.

Inaasahan naman na mag-aanunsiyo rin ang iba pang kumpanya sa mga susunod na araw.