33 patay sa paglubog ng bangka sa karagatan ng Turkey
Patay ang 33 katao kabilang na ang limang bata makaraang malunod sa Aegean Sea nang lumubog ang sinasakyang nilang bangka sa Turkish coast.
Ayon sa ulat ng Anadolu Agency, 75 katao ang nasagip ng coast guard mula sa karagatan malapit sa Ayvacik en ruta papunta sa Greek island na sakop ng Lesbos.
Tinukoy ng local news agency ang mga nakaligtas ay taga-afghanistan, Syria at Myanmar.
Batay sa talaan ng International Organization for Migration, umabot na sa 218 katao ang namatay ngayong taon na sumubok na maglayag sa karagatan mula sa Turkey papuntang Greece. Sa ngayon umaabot sa 2.5 milyon refugees ang pansamantalang kinakalinga ng Turkey na galing ng Syria.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.