Mag-asawang drug suspect, timbog sa buy-bust operations sa Camarines Sur
Arestado ang tatlong hinihinalang drug suspect sa ikinasang operasyon ng pulisya sa Tinambac, Camarines Sur Huwebes ng umaga.
Ayon kay P/Maj. Maria Luisa Calubaquib, tagapagsalita ng Bicol police, nakuhanan ng limang pakete ng hinihinalang shabu ang mga suspek na sina Rodolfo Dela Cruz, 41-anyos, at asawa nito na si Maria Grace, 40-anyos.
Ito ay matapos magpakita ng search warrant ang pulisya laban sa dalawa.
Nahuli ang dalawa sa kanilang bahay sa bahagi ng Barangay Sogod bandang 10:00 ng umaga.
Mahaharap ang dalawa sa kasong paglabag sa Comprehensive Dangerous Drugs Act of 2002.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.