Hinatulang guilty Korte sa Nueva Ecija ang dalawang recruiters ni Mary Jane Veloso.
Kapwa nahaharap ngayon sa parusang pagkakakulong ang mga akusado na sina Mary Christine Guilles Pasadilla at Julius Lacanilao dahil sa paglabag sa Republic Act 8042 o Migrant Workers Act.
Nag-ugat ang kaso sa reklamo nina Lorna Valino, Ana Maria Gonzales at Jenalyn Paraiso.
Ang kaso ay hiwalay pa sa asunto na isinampa ni Veloso laban sa mga akusado na nakabinbin pa rin sa Nueva Ecija Regional Trial Court.
Dumalo sa promulgasyon ang mga abogado ng NUPL na siyang kumatawan kay Veloso.
Ginanap ang promulgasyon noong ika-14 ng Enero sa sala ni Judge Anarica J. Castillo – Reyes
Si Mary Jane ay kasalukuyan pa ring nakapiit sa Yogyakarta, Indonesia dahil sa umanoy drug trafficking.