Class suspension sa ilang Filipino-Chinese Schools sa Maynila pinalawig
Pinalawig ng ilang mga Filipino-Chinese schools sa lungsod ng Maynila ang kanilang ipatutupad na class suspension, bilang precautionary measure o pag-iingat pa rin laban sa 2019 Novel Coronavirus o n-CoV.
AS OF JAN. 30:
Ang mga Filipino-Chinese schools sa Maynila na #WalangPasok ay ang sumusunod:
– Uno High School sa Tondo (suspended indefinitely)
– Chiang Kai Shek College sa Tondo (suspendido hanggang Feb. 08, 2020). Nitong mga nakalipas na araw, nagkaroon ng general cleaning sa paaralan, dahil sinamantalang walang klase.
– Hope Christian High School sa Tondo (Magre-resume ang klase sa Feb. 03)
– St. Stephen’s High School sa Tondo (suspended indefinitely). Inaasahan na magbabalik sa normal ang mga klase at aktibidad sa Feb. 10, pero depende pa sa sitwasyon.
– Philippine Cultural College sa Tondo (Jan. 30)
– Tiong Se Academy sa Binondo (Jan. 30 hanggang 31). Kahapon, Jan. 29, ay may pasok ang mga mag-aaral na naging pagkakataon para sa school adminitrators at mga guro na ipaliwanag sa mga estudyante ang mahahalagang impormasyon ukol sa n-CoV. Maaaring magresume ang klase sa Feb. 03, pero depende sa sitwasyon at sa assessment.
– St. Jude Catholic School sa San Miguel (suspendido hanggang Feb. 08)
Nililinaw naman ng mga naturang paaralan na walang kaso ng n-CoV sa kani-kanilang estudyante, faculty o mga staff.
Sakali namang may pasok na sa mga paaralan, pinapayuhan ang mga estudyante, faculty at school personnel na magsuot ng face mask at magdala ng alcohol o sanitizer.
Kailangan din na maging alerto ang lahat, at sumunod sa health advisories.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.