Oil products na hindi sasailalim sa fuel marking program, kukumpiskahin ng BOC sa susunod na buwan
Sisimulan nang kumpiskahin ng Bureau of Customs (BOC) sa February 9, 2020 ang mga oil products na hindi sasailalim sa fuel marking program.
Sa pulong balitaan sa Malakanyang, sinabi ni Customs Associate Commissioner Vincent Philip Maronilla na kapag hindi pa rin tumalima ang mga oil company sa fuel marking program, kukumpiskahin ng kanilang hanay ang mga nakaimbak sa oil product.
Sinabi pa ni Maronilla na agad na sasampahan ng kaukulang kaso ang mga may-ari ng mga oil company na hindi tatalima sa fuel marking program.
“Well so far lahat naman are trying to comply. We have already warned them that if they don’t comply by Feb. 9, 2020 then whatever stock that they have na hindi markado, we will confiscate. And we will considered as fuel which duties and taxes are not paid. At least the corresponding taxes from the BIR side are not paid so we will confiscate,” sinabi ni Maronilla.
Layunin ng fuel marking program na malabanan ang paglaganap ng smuggling sa oil product dahil sa ipinatupad na tax reform for acceleration and inclusion o TRAIN law.
Sinabi pa ni Maronilla na wala nang maidadahilan ang mga may-ari ng oil company na hindi tatalima sa fuel marking program dahil nagbigay na sila ng sapat na panahon bilang palugit.
Layunin din kasi aniya ng BOC na maayos na magbayad ng buwis sa Bureau of Internal Revenue (BIR) ang mga may-ari ng oil company.
“All fuel that will be for the consumption of the public that intended to be tax paid should be marked by Feb. 9, 2020. Otherwise we will start testing after that. And if we find that your petroleum products that are covered under the fuel marking program are not properly marked then we will confiscate it and then we will file the necessary charges,” ani Maronilla.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.