Drug suspect patay, P300K na halaga ng shabu nakumpiska sa Cavite
Patay ang isang hinihinalang drug pusher sa ikinasang buy-bust operation sa Imus City, Cavite.
Kinilala ni Cavite Police chief Col. Marlon Santos ang suspek na si Roberto Fernandez, na residente ng Antipolo, Rizal.
Mula Antipolo, dumayo sa Cavite ang suspek para doon kitain ang police poseur buyer.
Ginawa ang transaksyon sa Barangay Alapan 1C kung asaan nakabili ng P1,000 halaga ng shabu ang pulis kay Fernandez.
Pero nakatunog si Fernandez na pulis ang katransaksyon kaya bumunot at nagpaputok ito ng baril.
Gumanti ng putok ang mga pulis na agad ikinasawi ng suspek.
Nakuha sa kaniya ang 50 gramo ng hinihinalang shabu na tinatayang aabot sa P300,000 ang halaga.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.