DFA humingi ng guidelines sa DOH para ipatutupad na aksyon sa mga Pinoy na nasa Wuhan City
Nagsagawa ng emergency meeting ang Department of Foreign Affairs (DFA) at ang mga opisyal ng Department of Health (DOH) bunsod ng banta ng novel coronavirus.
Pinangunahan ni Acting Foreign Affairs Secretary Eduardo Malaya ang emergency meeting para matalakay ang mga hakbang na maaring gawin bunsod ng outbreak ng novel coronavirus sa China at pagkakaroon na rin ng kaso nito sa iba pang mga bansa.
Hiniling ng DFA ang guidance mula sa DOH para sa ipatutupad na protocols sakaling kailanganin ang paglilikas o repatriation sa mga Pinoy na nasa Wuhan City at iba pang apektadong lugar.
Pinayuhan naman ni Health Undersecretary for Public Health Services Myrna Cabotaje ang gmga Pinoy sa mga apektadong bansa na iwasan ang mga matataong lugar, gumamit ng mask at gloves, at sundin ang pagkakaroon ng proper hygiene.
Wala pa namang napapaulat na Pinoy na apektado ng sakit.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.